الموجز
كشفت الفنانة شيرين عن كواليس إفيه “صرصار حبنا”، والذي يعد أشهر إفيهات مسرحية “المتزوجون” والتي قدمتها مع الفنان الراحل سمير غانم.
وقال شيرين، في حوارها مع الإعلامي عمرو الليثي في برنامج “واحد من الناس” المذاع عبر فضائية “الحياة”: “أنا كان عندي برد وجيت أقول صرصار وصوتي اتقطع واتقطعت معاه نص كلمة صرصار”.
وأضافت الفنانة: “لما خرجنا بعد المشهد سمير غانم قالي أقولها كل يوم بنفس الطريقة ولو مش مريضة أمرض”.
وتابعت: “بعد كده جيبت صرصارة وجوزتهم، والمأذون كان سحلية لكن إتحذفت في المونتاج لإنه كان عيب وقتها”.
كما كشفت الفنانة شيرين، العديد من تفاصيل طفولتها وتغيير اسمها من أشجان إلى شيرين.
وقالت: “أنا اللي اختارت اسم شيرين لأن أول عمل كامل كنت بعمله كان اسمه عيون الحب مع الأساتذة كمال الشناوي وسناء جميل وكنت بعمل بنتهم وكان فيه مجموعة كبيرة من الفنانين”.
وأضافت الفنانة الكبيرة: “ليه محتفظتش باسمي؟ عشان كنت مخضوضة منه وزعلانة، وزعلت من بابا لأنه سماني أشجان، وأستاذ العربي ذنبني تلات حصص عشان يدي محاضرة في اسمي، وأن اشجان ده يعني احزان وروحت لبابا قولت له غير لي اسمي”.
وتابعت: “ووالدي راح لمدرس العربي واتكلم معاه وقاله أنا قعدت تلات شهور أسميها وكل ما اكتب اسم وروح اسجله يلاقي حد طالب شهادة وفاة فيتخض جداُ لأن عنده بنتين قبلي توفوا، فعمي قاله لا مجال للهروب لازم تكتب اسمي انهاردة”.
واختتمت الفنانة شيرين حديثها بالقول: “فالست أم كلثوم غنت حاجة فيها أشجاني، فعجبه الاسم وسماني أشجان”.