لقاء الخميسي ترد على سيدة هاجمت غير المحجبات: «دعي الخلق للخالق»

#لقاء_الخميسي ترد على سيدة هاجمت غير #المحجبات : «دعي الخلق للخالق»

ردت الفنانة لقاء الخميسي على سيدة هاجمت غير المحجبات، ونشرت صورة لعدد من السيدات غير المحجبات على حسابها الشخصي «فيس بوك»، وعلقت عليها قائلة «لو عيل من عيالي فكر يقولي هتجوز واحدة بشعرها أو مطلقة أو مدخنة هامسح بيه الأرض. كفاية الستات والأمهات اللي بشوفهم يوميا زي الصورة دي وبتخض على مستقبل بناتهم اللي أكيد هيقلدوهم. معرفش ليه بتكرهوا الحجاب كده؟».وأعادت لقاء نشر «البوست» مرة أخرى، وعلقت عليه قائلة، «يا أستاذة هالة.. يومك جميل إن شاء الله.. للأسف الشديد أنا سمحت لنفسي أخد البوست بتاع حضرتك من غير استئذان ودا مش صح بس عشان أقول لحضرتك كلمتين ياريت تقريهم كويس».وأضافت الخميسي: «مش من حقك حضرتك تاخدي صور ناس وتحطيها عند حضرتك وتذميهم وتدخلي في اختياراتهم لحياتهم، ومش من حقك أصلا تختاري ولادك لأن ليهم الحق في الاختيار، ومش من حقك تحكمي على أخلاق الناس وحياتهم لأنك مش واصي ولا ولي، فياريت حضرتك تخليكي في نفسك وتطوري من نفسك وتغضي البصر لو مش عاجبك الصور».ووجهت الفنانة، رسالة شديدة اللهجة لها قائلة، «دعي الخلق للخالق، كل حي أدرى بحياته واختياراته وعليكِ احترامه والتزام الصمت شكرا ويوم سعيد»

 

 

.آخر أعمال الفنانة لقاء الخميسي

آخر أعمال الفنانة لقاء الخميسي مسلسل «ضد الكسر» في شهر رمضان الماضي، وتدور أحداث المسلسل حول نجمة وسائل التواصل الإجتماعي سلمى، التي تتعرض لمحاولة قتل، فيتولى رئيس المباحث القضية لكشف المعتدي، في ظل وجود خلافات بينها وبين زوجها كريم، ويتضح وجود أسرار غامضة في حياتها، وهو من تأليف عمرو الدالي، وإخراج أحمد خالد .

Leave A Reply

Your email address will not be published.